'ମୋ' ପାଇଁ
ନା ମନ୍ତ୍ର, ନା ପୂଜା, ନା ଆରାଧନା ଲୋଡ଼ା
ନା 'ମୁଁ '
ଯଜ୍ଞ, ଧ୍ୟାନ ବା ଧାରଣାରେ ଯୋଡ଼ା
ସାଧନାରେ ସାଧ୍ୟ ନୁହେଁ, ସମାଧିରୁ ଦୂର
ଅଚଳ, ଅଟଳ, ମୁଁ ଅଟେ ସଦା ସ୍ଥିର
ନାହିଁ ସୁଖ, ନାହିଁ ଦୁଃଖ, ନାହିଁ ରାଗ-ଦ୍ୱେଷ
ନାହିଁ ଲୋଭ, ନାହିଁ ମୋହ, ନାହିଁ କଲ୍ମଷର ଲେଶ
ନିଷ୍ପ୍ରଭ ନିର୍ବାଣ! ନାହିଁ ପାପ-ପୁଣ୍ୟ
ଜନ୍ମହୀନ ମୃତ୍ୟୁହୀନ ମୁଁ ମହାଶୂନ୍ୟ
ଆନନ୍ଦ ସ୍ୱରୂପ, ମୁଁ ପୂର୍ଣ୍ଣ, ନିତ୍ୟ-ପ୍ରାପ୍ତ
ଜାତି-ଗତି-ଧର୍ମ-ସଙ୍ଗ-ବର୍ଣ-ବିବର୍ଜିତ
No comments:
Post a Comment